ხელოვნება, განსაკუთრებით კი ილუსტრაცია, მიეკუთვნება სფეროს, რომელში მოღვაწეობაც მარტივი არ არის. იმისთვის რომ ამ რთული, მაგრამ ძალიან საინტერესო გზიდან არ გადავიდეთ სხვადასხვა ტიპის სირთულეებთან გვიწევს გამკლავება. ყველაზე ხშირად ეს დაბრკოლება ინფორმაციის ნაკლებობაა. წლების განმავლობაში, ამ სფეროში მუშაობისას არაერთხელ მიფიქრია, რომ ერთ და მარტივად ხელმისაწვდომ სივრცეში ყველა საჭირო ინფორმაციის თავმოყრა მნიშვნელოვნად გაამარტივებდა ბევრი ხელოვანის ძალისხმევას, რაც განაპირობებდა როგორც ილუსტრატორების, ასევე თვითონ დარგის განვითარებას და საერთაშორისო სახელოვნებო სამყაროში სრულფასოვან მონაწილეობას. ბედნიერი ვარ, რომ მომეცა საშუალება მემუშავა დოკუმენტური ფილმების ციკლზე "ხელოვნების მიღმა", რადგან ამ გზით ქართველ ილუსტრატორებთან ერთად განვიხილავთ საკითხებს, რომელიც ყველა ხელოვანისთვის აქტუალური და საყურადღებოა. მადლობა ყველა ხელოვანს პროექტში მონაწილეობისთვის და განსაკუთრებული მადლობა ვიდეოგრაფებს - ნინი ჯოლოხავას და ვასილ გედენიძეს.